069-粥

近來喜歡假日早上一碗「粥」,既可清理腸胃,又好味道。

我最愛吃「艇仔粥」,花生、海蜇、牛肉、蔥花、魷魚等,加上幾片油炸鬼在粥面,用料豐富, 再以腐竹煲成粥, 熱氣騰騰﹐十分鮮甜。

另外,每次吃粥,必叫的是「炒麵」,雖然只是一碟豉油皇炒麵,但當一口粥一口麵同時配搭後,便會感覺出奇地好味了。

你們又喜歡什麼粥什麼配搭?


p.s.最能品嘗到粥的甜美是當粥的熱度降至入口不覺「熱辣辣」的時候啊。

*其他網友粥店推介:

料理鐵人:我中意配炸兩(多麻醬)九龍城街市三樓必食item


亞厘士:灣仔集成附有間粥舖0的粟米雜菌粥好正,又大碗,仲可以揀加帶子 ^^,即係灣仔 & 銅鑼灣之間, 搭電車由中環去銅鑼灣方向既話, 過左灣仔果堆油站就差唔多到, 佢有一間好大既麥當當, 一定見到 ^^

 

容鳳書夫真高:元朗推介: 發記, 國記...其他: 羅富記...

皮皮:呢間(發記)好野黎既,我鍾意佢d腸粉

 

天空,

我多數會食皮蛋瘦肉粥 或 及第粥...
間唔中都會食豬紅粥...
如果我到海皇粥店既話...
我就會睇下有咩新產品, 都會去試既...

一碗粥...
豉油皇炒麵就一定食架啦...
加碟"炸兩", 仲要落勁多甜醬同埋花生醬...
再加多杯涷豆漿...
哇, 簡直係鐵一般既組合, 又好味...

mr drity,

唔舒服既時候通想食粥。試過有一次食皮蛋瘦肉粥,跟住食藥,點知嘔番晒d粥出來。

後來阿媽話食藥唔好食皮蛋,因為會撞wor...


 

069-粥