Bye bye 2021, Hello 2022

【我的2021】回顧我嘅2021，除正職外，主要係休息學嘢，趁空餘時間睇下書兼裝備下自己。

首先創作方面，完成咗4場學校講座，亦擔任咗<<明報>>小作家培訓計劃導師同評審，同時參與相關拍攝。至於作品方面，我由電腦繪圖轉至iPad繪圖，今年產量相對少，反而想摸索吓唔同風格。

學嘢方面，極怕水嘅我竟然學游水，由跟小組團變成私人學，但學到八成左右因為氣管炎+發燒多日而游水無疾而終，仲未學得識，希望下年再努力。仲有學緊3樣畢生受用但要考試嘅嘢，因為唔係成日用，每一樣對我嚟講都好難，老實講，我無信心一Take pass ，唉，呢啲嘢應該要趁後生學。

但願2022年，一切安好，繼續進步！