2020年, 大家生活都好像停頓了,因為疫情,大家多數都留在家中。你嘅抗疫生活係點?今次就同大家分享我在屋企的10件生活事 唔知你有幾多樣生活習慣同我相同?

1/ 因為無得出去做運動,就喺屋企玩Switch嘅RingFit,唔好睇少呢隻GAME,可以鍛練手、腿、腰同瑜伽,玩一陣就出晒汗,我玩咗超過100日仲未打爆機 (後按:筆者終於第120日打爆機了!)

2/ 仲有另一隻Swtich嘅動物之森,因為無得出去同朋友聚會,變相身邊朋友都靠呢隻GAME交流聯誼,我仲搵返十幾年前班朋友仔添

3/喺屋企除咗培養早睡早起,仲有瞓晏覺習慣,每日瞓20分鐘左右,即刻精神晒

4/ 因為唔洗出街,少咗買衫又唔洗襯衫,睡衣/Hea Look變咗我嘅 Fashion look

5/唔洗趕頭趕命,朝早會手沖咖啡,我飲唔慣黑啡,加鮮奶好好味,最近改用荳奶健康啲

6/少咗出街食,多咗煮嘢食,撚手小菜有茄牛通,只要茄膏雞湯就係美味湯底,同中環蕃茄麵有得比

7/Netflix好多戲睇,呢排重溫緊《幽遊白書》,你又有冇追開邊套?

8/今年屋企多咗好多罐頭以便儲糧,除咗蕃茄罐頭,粟米罐頭都好百搭,煲粟米湯或粟米魚柳/肉粒都用得,或者就咁食都得!

9/多咗時間喺屋企,就多咗時間望下出面個景,今年多咗好多藍天白雲,心情都開心啲

10/因為買多咗通粉,發現谷牛蹤影,仲曼延至全間屋! 捉咗2隻養嚟觀察,有機會再同大家分享

原本想寫我的隔離生活,但係我都無病,所以改咗我的在家生活,留言分享下你今年又點過?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.