【只有箍牙妹才會明白的事】

做節見到鮑魚同象拔蚌,行過街邊見到好味嘅咖喱魷魚,又或者想飲返杯珍珠奶茶,都要停一停,諗一諗!

箍牙令到牙齒甩甩鬆鬆,食呢類煙韌Q彈嘅食物,就好似食緊一舊香口膠咁,咬嚟咬去都咬唔開,最後或者要宣告放棄⋯⋯

最辛苦係啱啱開始戴嘅頭一個月,條脷未喺適應,講嘢都痛又口齒不清,勁唔想出聲。之後等到條脷習慣咗後,就會同平時一樣,只係感覺講嘢有少少痴脷筋。

仲有你哋無諗過比較硬嘅食物,例如蘋果或牛扒,我哋都要細細啖先食到,只怪牙軟無力,而食完啲濃色嘢,例如咖啡、奶茶、綠茶、咖喱等等,我哋食完最好都係乖乖刷牙,以免牙套上色,仲有好多仔細嘢煩,為咗靚靚,唯有忍吓啦!
不過都有樣好,自從我箍牙後,已戒掉食零食習慣,一諗起食少少嘢就要走入廁所除牙套,食完幾粒之後又返廁所漱口戴牙套,出出入入勁麻煩,唔知係咪自從戒咗零食,我好似瘦咗添,嘻嘻!
仲有一樣嘢,我戴牙套嗰2年半,亦都戒咗食糖,如果直接喺牙套上食糖就會好容易蛀牙,如果一來一回除牙套又麻煩,都係唔食最好!

#不是廣告 #自費箍牙 #箍牙心聲 #戴牙套  #牙齒矯正


網友留言:

Deborah Chan

我F.3 嗰年開始箍咗18個月。當時係傳統箍,四星期去將鋼線扭緊一次,都係禮拜五放咗學去。個姑娘次次都會提醒:做完兩個鐘頭內快啲去食嘢呀!跟住就成個周末都好痠痛冇力。
有個星期日全家去街,仲要食考驗牙力嘅嘢。我唔敢出聲,忍住食,到就快食完我媽咪先至醒起……

Ada Chu

唯有凡事向好的方面想,食野會變得更加淑女,也可以食少d保持身型\(^o^)/

Siu Pui Yeung

自己帶剪刀出去剪食物

發佈留言

發佈留言必須填寫的電子郵件地址不會公開。 必填欄位標示為 *

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料